درايش : حكومة متوقّعة

نشر في 26-11-2021
آخر تحديث 26-11-2021 | 00:20
 وضّاح شتّوَقّع؟

-... ما توقّع إلّا خير

بس حليمه ترد للعاده القديمه

شنهو قصدك؟

-... لا تصدّق شي يصير

غيّرت مكياجها وردّت حليمه!

لك وزير، ولي وزير، وله وزير

بـ "المحاصص" هذي علّتنا المديمه

و"الوزير / النائب" الفلْته الخطير

يشتري الناخب بـ "خدماته العظيمه"!

أو وزير يصف ريشه يب يطير

ما يحب المسطرات المستقيمه

ليش هذي يعني متوقّعها غير

وعندنا لأهل "السوابق" صار قيمه!

من تلوم ومن تحاسب بالأخير

والملامه بس للنفس الكريمه

يعني متشائم؟

-... ومتشائم كثير

و"ابتسِم" قالوا لي حتى في الهزيمه!

● وضّاح

back to top