صدر العدد الأول بتاريخ 2 يونيو 2007

رئيس التحرير خالد هلال المطيري

العدد: 4902

رئيس التحرير خالد هلال المطيري

درايش: ابتعد

  • 20-10-2021

حذراك عمّا يلوّث ناصع اثيابك

لا شفت وقتك تغيَّر وانقلَب جَوّه

الناس هاليوم مو ناسك ولا أصحابك

قليل من يحفظ المعروف والخُوَّه

في بعض الأحيان أحسن لك ترى غيابك

ولا الحضور الذي في عالم امْشوَّه

أفكار دارت وصار الطبع متشابك

منهو تصدّق ومنهو تتّقي سُوّه؟!

جمرك وشوقك وحرف يشع بكتابك

وشيٍّ نسيته بقلبك ما طفى ضوَّه

عزله معاهم وخايف ينفتح بابك

مثل الذي ينتبه في عالمه توَّه!

ولا شك باقي لك النادر من أحبابك

ناسٍ وما زال فيها خير ومروّه

وضّاح