درايش: اعتقال شاعر...(الحرية لجمال الساير)

وضّاح

نشر في 09-07-2021

وضّاح

ضاق صدر الدار حتى من النصيحه

في سما "التغريد" وإلا في مقاله

والقلوب اللي تحب ردّت جريحه

ما حماها الحب في وارف ظلاله

چِن شاعر هالوطن ضايع مديحه

وضاع دفتر كاتبه بحب وجزاله

هايم بواديه بالكلمه الصريحه

والجواب: الصمت، هو رد لسؤاله!

والليالي بالوفا صارت شحيحه

ما كفاها الصمت، جازت باعتقاله

حبس صاحب راي هو أكبر فضيحه

ما طلب في ديرته غير العداله

في "جمال" اللي انحبس دنيا فسيحه

والعجيب اشلون ما شافوا جماله؟!