صدر العدد الأول بتاريخ 2 يونيو 2007

رئيس التحرير خالد هلال المطيري

العدد: 4794

رئيس التحرير خالد هلال المطيري

درايش: لو نزرع شريحة

  • 25-06-2021

يا ليت نقدر (لا لقينا الخطا زاد)

في راس بعض الناس نزرع شريحه

ونضغط على الزر الذي مسبّب عناد

ونوجّهه يم الخطاوي الصحيحه

ونغيّر بقلبه عداوات وأحقاد

ونبدّل أوهامه بمشاعر مريحه

نزرع فهَم لمّاح كالجمر وقّاد

ولا نسد الباب لو هب ريحه

أصحابنا السمحين دمثين وأجواد

بس النصيحه عندهم كالفضيحه!

كلٍّ يبي حوله مزامير وأعياد

وما ينطرب إلا لقصايد مديحه

ليته عرَف ذاك الزمن راح ما عاد

وأحلى القصايد في زمنّا الصريحه

وإن البلاد قلوب وقلوبنا بلاد

وما نقبل الثنتين تبقى جريحه

وضّاح