درايش: الميزانية «المكروته»!

نشر في 23-06-2021
آخر تحديث 23-06-2021 | 00:18
 وضّاح حتى ولو تبصم... تقر

مالك سوى المجلس مقر

صوت "أغلبيه" الرافضه

لو تحترمها... تستقر

جلسات صارت "كروته"

وتصويتهم بالعفرته

والأغلبيه الصامته

مجلسها هو بيت ومقر

أرقام وبنود انمحَت

وحروف ذابت ما اوضحَت

وبعض الضماير ما اسْتحت

تبصم على الچذبه وتقر

وافَقْت... ما تدري شنو...

المكتوب أو تابع منو

في هالملف اش ضمّنوا

ما تقرا... لكنّك تقر!

وضّاح

back to top