صدر العدد الأول بتاريخ 2 يونيو 2007

رئيس التحرير خالد هلال المطيري

العدد: 4761

رئيس التحرير خالد هلال المطيري

درايش: ورق

  • 23-04-2021

الورق ما يفيدك بس يزيد اللهيب

و«الفعل» ما تشوفه في سطور الكتاب

ماي بين الأصابع إن رفعته تخيب

وإن تركته ظميت وما حصل لك شراب

روح وانفخ بجرْبه فوق ذاك الجليب

ما رويت الحنايا لو حلبت السحاب

راس مالك كتابه لو توَدِّي و تجيب

ما حملها المسافر فوق كتفه زهاب

تبري السهم لكن ينحرف ما يصيب

وتبني «البيت» لكن ينتهي بالخراب

الورق في بلادي مثل وجه الغريب

والكتابه قوافل ضايعه في السراب

وضّاح