تشكيل الحكومة... تأخرتوا عسى ماشر؟!

نشر في 16-12-2019
آخر تحديث 16-12-2019 | 00:19
 وضّاح محّد يعلّمنا اشجرى... وما درينا

إلا طراطيش الحچي من ورا الباب

لا "الناطق" المسؤول يطلع علينا

أو - باحترام شوي- يبدي لنا أسباب

الشعب ما يدري ولا هو بإيدينه

چنّه رقم محذوف مو داخل احساب!

"صرّف أمورٍ عاجله" ما علينا

شكّلْت... ما شكّلْت... لا لوم وعتاب

بس لا "تدرّب" "ناشئ الجيل" فينا

و"حقل التجارب" للقرايب والأنساب!

الوضع "في الداخل" خلاص اكتفينا

والوضع "في الخارج" يبي مخلب وناب

back to top