درايش: غلطت مرة... لا تغلط مرة ثانية!

نشر في 21-09-2022
آخر تحديث 21-09-2022 | 00:19
 وضّاح انت وضميرك والأمر منّك وفيك

إمّا «طُمان النفْس» وإلّا الكرامه

«صوتك» إذا صنته يصونك يعلّيك

وإن هان هِنْت وما تشوف السلامه

لا تعطي اللي موقفه فيه تشكيك

جرّبت غدره وفعلته وانهزامه

راجع «مرشح» بالأماني يمنّيك

إيّاك يغريك بسحابة كلامه

ما تمطر الغيمه أبد في أراضيك

ما لك سوى بروقٍ بعرض الجهامه

جرّبت لمّا دخّلك في شرابيك

ولا حصدت إلا الأسف والندامه

ذنبك على جنبك وفعلك بأياديك

و«صوتك» - مثل ما قلت - يعني «الكرامه»

وضّاح

back to top