صدر العدد الأول بتاريخ 2 يونيو 2007

رئيس التحرير خالد هلال المطيري

العدد: 5141

رئيس التحرير خالد هلال المطيري

درايش: لا ترجي «إصلاح» من هالمجلس

  • 31-07-2022

لا تنتظر إصلاح من «مجلس» مريض

كل غايته إنّه يطوِّل مُدّته

وإلّا بآخر يوم يقلُب للنقيض!

وإلّا يشرّع شي يمنع ردّته!

جدول نهر ناشف ولا يمكن يفيض

فيه الدسايس واصله لى حِفّته

يفتن م بين اللي مشوا نيّات بِيض

وبين « الرموز» اللي ارسموا له سكّته

ينفخ نفَس ما بينهم جداً بغيض

يرسل مراسيله ويشتّت جمْعته

ومن كان «رمز»... اليوم نازل للحضيض

شايل رسايل واصله من عمّته

الراي للجمهور في الديره عريض:

حِلّووووه... لا تْطَولون كلّش قصّته

واللي يقولون انطروا يمكن وميض

يطلع بمجلسنا أمَل في ختْمته

إن كان دِيچ ببيتكم ممكن يبيض

ممكن ترى «المجلس» يصلِّح غلطته!

وضّاح *