درايش : سينما الأندلس...

نشر في 27-05-2022
آخر تحديث 27-05-2022 | 00:19
 وضّاح " الأندلس"... ذكرى الزمن والأماكن

مخْزَن فرح صعْب الذواري تغطيه

ومشهد طفل فيه الفرح كان ساكن

" شاشه" وظَلْمه ونشوته طايره فيه

أو قلب في حفله انطرب يوم... لكن

العمْر مثل البرق مرَّت لياليه

ذاك الزمن ما خالطه لون داكن

والقلب واسع كان، شَرْحَه معانيه

واليوم في هالوقت كل شي ساكن

من يأْسِنا... كل شخص يشتاق ماضيه!

الذكريات أحيان مثل المساكن

إن كان "حاضرنا" وقَف في خطاويه

● وضّاح

back to top