درايش: قوافل

نشر في 25-10-2021
آخر تحديث 25-10-2021 | 00:20
 وضّاح هذي القوافل يا فهد لو نفترض فيها الوصول

عقب الظما، عقب التعب، عقب العروق الذابله....

تنزل على قاع الصُبَخ وصخور تجبرها النزول

وإلا الكرامه عندها وفي غيرها مو قابله؟!

أسأل... ويطويني التعب، چنّي مسحْت اللي أقول

كلمات من زود الغضب كالغيم يهطل وابله

عندي "السياسي" كالشجر متلوِّن بكل الفصول

إلّا الشريف إللي فرَز كل "حابله عن نابله"

ورّدْت لك يوم الحكم بشهود، وشهودي عدول

ما كنت مخفي حجّتي وما كنت ضمن السابله

وضّاح

back to top