درايش: ابتعد

نشر في 20-10-2021
آخر تحديث 20-10-2021 | 00:19
 وضّاح حذراك عمّا يلوّث ناصع اثيابك

لا شفت وقتك تغيَّر وانقلَب جَوّه

الناس هاليوم مو ناسك ولا أصحابك

قليل من يحفظ المعروف والخُوَّه

في بعض الأحيان أحسن لك ترى غيابك

ولا الحضور الذي في عالم امْشوَّه

أفكار دارت وصار الطبع متشابك

منهو تصدّق ومنهو تتّقي سُوّه؟!

جمرك وشوقك وحرف يشع بكتابك

وشيٍّ نسيته بقلبك ما طفى ضوَّه

عزله معاهم وخايف ينفتح بابك

مثل الذي ينتبه في عالمه توَّه!

ولا شك باقي لك النادر من أحبابك

ناسٍ وما زال فيها خير ومروّه

وضّاح

back to top