درايش: الحكمة

نشر في 19-02-2021
آخر تحديث 19-02-2021 | 00:18
 وضّاح نبي حكمه ترسّينا على مينا

إذا صار الهوا ضارب من الصوبين

نبي الراي السديد يصير هادينا

إذا ويّا الهوا رَك النظر بالعين

إذا المركب تمايَل وانحرف فينا

منو يرفع عضوده ويسند شراعين

نبي نوصل أمان إن كان يمدينا

قبل موج البحر ما يرتفع غاطين

نبي الدستور - بين اثنين- يهدينا

حكَم ينصف بأحكامه على الخصمين

ترى اللي صار واللي فات كافينا

ولا شفنا الغضب أصلح م بين اثنين!

وضّاح

back to top