درايش: تلقيح مجلس الأمة

نشر في 17-02-2021
آخر تحديث 17-02-2021 | 00:18
 وضّاح ما استفدنا شي من شرح اللقاح

وما طلعنا بالنهايه في جديد

خصّصوا جلسه وخالفها النجاح

ونسبة الفيروس في المجلس تزيد

والطبيب اللي يعالج كل جراح

دخّلوه المعمعه وش يستفيد

السياسه طيرها بميّة جناح

بس ما يعلا ولا يبعد بعيد

جلسة التعطيل ما تنتج صلاح

لا قرار يتم أو شيٍّ أكيد

ناس تنطركم على درب الفلاح

وانتم بطرق الحچي ما من مفيد!

وضّاح

back to top