صدر العدد الأول بتاريخ 2 يونيو 2007

رئيس التحرير خالد هلال المطيري

العدد: 4563

رئيس التحرير خالد هلال المطيري

درايش: بركة البيت

  • 28-09-2020

مرّيت في سود الخواطر وصدّيت

ووصّيت ضلعي يرفع الدرع دوني

لا فكني درْعي ولا نا تقاويت

يوم السهم سِنّه انغرس في متوني

أبْديت في لحظة صبر غير مَ اخْفيت

ونا الخراب وهاوياتٍ اركوني

آخر حصوني... يوم راحت تهاويت

وين الجيوش اللي احلفوا يسندوني

إللي لها ب"طول العمر"كم تمنّيت

لوني بعيد امكلّفه في ظعوني

يسترّ خاطرها إذا يوم مرّيت

ويشين خاطرها إذا كدّروني

وبالطول تشبرني بشبر لا تعلّيت

من خطوتي الأولى اتحرّا مزوني

ظنّيت... وأحكام الزمن غير "يا ليت"

إنها تشوف اللي انخلق مثل لوني

وحسّيت بجيوش الزمن كالطواغيت

ما هُم على كيفي ولا مكّنوني

ويا بيت لا غاب الضوا صرت مو بيت

لوحه... وعنوان انكتب في عيوني