صدر العدد الأول بتاريخ 2 يونيو 2007

رئيس التحرير خالد هلال المطيري

العدد: 4496

رئيس التحرير خالد هلال المطيري

درايش: اللي يبي يبوق... يبوق ملايين!

  • 17-06-2020

يا صاحبي هالوقت مدري اش جرى فيه

مقلوبْ، وأهل الوقت يالله يا كافي

صار الخطا المكشوف حنّا نداريه

وراعيه يفخر لا انكشف كل خافي!

يا قو عينه ما شبع من مخازيه

هذا الذي معروف قبل أمس حافي

إما من "الكرسي" لقى من يغذّيه

وإلا من "الصفقه" لقى له "سنافي"!

ونقول ليته يبوق شيٍّ يكفّيه

وما يطمع بمليار كل يوم إضافي!

"أخلاق جدّت" وأهْمَل الشعْب ماضيه

وطبْعه تبدَّل ما بقى طبْع صافي

قليل منهو جمرته بين أياديه

وقليل من يسطع إذا النور طافي

وصرنا نحرّف في الكلام ومعانيه

"أنصاف حل" وما طلَبْنا إنصافِ!

واللي يبوق اشوي ممكن نأذّيه

ومن باق 9 أرقام قلنا عوافي

ايعيش برّا ونتركه ما نحاچيه

چن الزعل من سارق الدار... كافي!!