صدر العدد الأول بتاريخ 2 يونيو 2007

رئيس التحرير خالد هلال المطيري

العدد: 4539

رئيس التحرير خالد هلال المطيري

الله بالنور: والله بلشة!

  • 07-06-2020

ابتلشت بلشة ما لها أول ولا آخر...

وإلى الآن ما أدري شالسالفة... وتشاغبت!

ماليزي شريك مع أحد أبناء الأسرة، لا وعندنا بنك صيني بالكويت أول مرة أسمع فيه! وإذا موعاجبكم عندنا بنك في جزر القمر ملك لكويتيين ويديره لبناني فرنسي عنده شركة كويتية كوسيط...

وبعدين يقولون غسيل أموال بمليارات!

ويقولون واحد هدّ الديرة وانحاش.

هذي غير سالفة، وأنا شكو بهالسوالف، وما أدري ليش الأمريكان مشغلين محاكمهم وتحرياتهم بسرعة؟! ما يدرون أن إحنا بالكويت غسالاتنا وصابونّا يمحي أي آثار لأي أوساخ... حتى آثار الجرائم يقضي عليها...

عندنا أحدث وأفضل غسالات والصابون والمعقمات، خصوصاً هالأيام، شغالة 24 ساعة خايفين من الكورونا، بعد هالدور غسيل مليارات، لا يبه محنا حولكم موليّهْ وكل اللي نبيه كفاف اللغى!

عسى بنوكنا تفتح عادي (مو إلكتروني) علشان نشوف بعينّا أن حساباتنا بأمان، وماراح ندخل البنك إلا بكمامات ودسوس، وحتى لو تبون نتسلف ملابس الأطباء والممرضين الواقية وأقنعة جراحة... هم ما عندنا مانع، بس علشان نتأكد أن فليساتنا ما انغسلت وانشفت واحنا ما ندري!

ما يندرى كل شي جايز بهالديرة ولاّ نسيتوا فلوس التأمينات؟!