صدر العدد الأول بتاريخ 2 يونيو 2007

رئيس التحرير خالد هلال المطيري

العدد: 4441

رئيس التحرير خالد هلال المطيري

درايش / الكتابة في زمن الكورونا: إيدك... عدوّك

  • 03-04-2020

الإيدين...

خادمات الروح والنيّات فينا

مساعده العزم بيسار وشايله الثقل بيمين

إللي...عمّال الجسم، والجسم عاطل دونها ماله عوين

الإيدين...

إللي مثْل الدرع تحمي الجسم من ضربة عدوّه

وهيَ أول من يداري

تنكسر ما ترضى إنه ينجرح في مرّه راسْ وتنخطف في غفله عين

اللي تكتب...

واللي تشطب...

واللي تاكل من فضايلها وتشرب

واللي أول من يصافح لمسه معناها "السلام"

واللي تمسح فيها خد اللي تحبه إن طغى فيك الحنين

واللي تسند فيها راسك إن ثِقَل راسك بهمّه وكنت في لحظه حزين

صرت خايف من إيدينك!

وانت وين الحين صرت وهيَ وين؟!