يا سيّدي برد
نشر في 08-01-2020
آخر تحديث 08-01-2020 | 00:18
كل ما يهب الهوا يكفخ على البيبان حسّيت أنا في برد كل ما يدوّي الرعَد (عالي ومالي السما) ويشقِّق الجدران والله أحس ببرد كل ما يضيق النفَس بالخوف والكتمان حسّيت رجفة برد كل ما أشوف النفَل ظهره انحنى ذبلان أقرا معاني البرد كل ما يدور بقفص طير انحبس حيران أشتم ليالي البرد (ما بين ثلج القفص وكفوف هالسجّان مسكين عايش برد).كل ما ننادي بألم: أوطاااااننا أحلااااامنا، نوفي ونخلص لها... وتبيعنا الأوطان! في صدري شي انكسر مو قلبي... يمكن غصن أسمع يقول بأسى: هذا جنوووون البرد.
