صدر العدد الأول بتاريخ 2 يونيو 2007

رئيس التحرير خالد هلال المطيري

العدد: 4251

رئيس التحرير خالد هلال المطيري

درايش : قوم مكاري

  • 16-09-2019

ما تغيَّر شي في أصل الكتابه

لكن اليوم البشر متغيرين!

عِدْت وإلاّ زِدْت ما تلقى استجابه

من "مكاري وقومه" اللي صامتين

وإن حَچَوا عن دارهم تسمع غرابه

چنها "لقمه" بعيون الجايعين

ما يهم قانون وإلاّ تصير غابه

دام من كل القضايا سالمين!

وما يهم محبوس في ليل الكآبه

وما يهم مخنوق مو لاقي عوين!

وما يهم متهوم والتهمه كتابه

والعقوبه تطول حتى الناشرين!

وما يهم من باق وتضخّم حسابه

الغنايم من نصيب الغانمين!

وما يهم طير انحبس محّد درى به

تهمته "يغرِّد" بليل النايمين!

راحوا اللي للبلد حصن ومهابه

وفي كلام الحق كانوا حاضرين

وما بقى إلا "عوير وزوير" وعصابه

وما درينا وين حنّا رايحين؟!