حلم داخل الصندوق

شفت انا في الحلم شخص يسن نابه

وشخص طايح تحت في البير ادفعوه

وشفت حوله ناس في صورة ذيابه

وشفت لحمٍ ني خذوه وقطّعوه

وكانت عيون البشر شهوات غابه

وكان ليل وصوت واطي ما اسمعوه

ومر شايب شايل بظهره زهابه

كل ما قرّب عليهم رجّعوه

قالوا المذبوح خانوا به القرابه

وكل حلاله واللي يملك وزّعوه

وقالوا الشايب حكيم وله مهابه

بس كلامه من طمعهم ما وعوه

لكن المذبوح في دمّه غرابه

تنشف جروحه ويفز كل ما نعوه

ينتفض كالطير في دنيا الرحابه

كل ما قيل ادفنوه وشيّعوه

وكنت أنادي الليل ما ألقى استجابه

كنت في صندوق حلم وما ارفعوه!

قال إكتب، قلت وش نفع الكتابه

وإن كتبت الجرح كل حرف امنعوه

فايضه الأوراق وجروحي تشابه

وضاق صندوقي عليْ ما وسّعوه