صدر العدد الأول بتاريخ 2 يونيو 2007

رئيس التحرير خالد هلال المطيري

العدد: 4172

رئيس التحرير خالد هلال المطيري

حلم داخل الصندوق

  • 17-04-2019

شفت انا في الحلم شخص يسن نابه

وشخص طايح تحت في البير ادفعوه

وشفت حوله ناس في صورة ذيابه

وشفت لحمٍ ني خذوه وقطّعوه

وكانت عيون البشر شهوات غابه

وكان ليل وصوت واطي ما اسمعوه

ومر شايب شايل بظهره زهابه

كل ما قرّب عليهم رجّعوه

قالوا المذبوح خانوا به القرابه

وكل حلاله واللي يملك وزّعوه

وقالوا الشايب حكيم وله مهابه

بس كلامه من طمعهم ما وعوه

لكن المذبوح في دمّه غرابه

تنشف جروحه ويفز كل ما نعوه

ينتفض كالطير في دنيا الرحابه

كل ما قيل ادفنوه وشيّعوه

وكنت أنادي الليل ما ألقى استجابه

كنت في صندوق حلم وما ارفعوه!

قال إكتب، قلت وش نفع الكتابه

وإن كتبت الجرح كل حرف امنعوه

فايضه الأوراق وجروحي تشابه

وضاق صندوقي عليْ ما وسّعوه