درايش : شتكمّلون؟! (انتخابات تكميلية)

نشر في 18-03-2019
آخر تحديث 18-03-2019 | 00:29
 وضّاح ش تْكمّلون؟! أصلاً بعد ما بدينا

ولا بدا "المجلس" يسن القوانين؟!

اسنين مرّت... للنهايه دنينا

كل شي "مؤجّل" في قضايا المساكين

بدروجهم صرنا ملف وانطوينا

واليا حچينا قالوا نشوف بعدين!

الصوت واحد والرقابه علينا

مثل الغيوم السود فوق الميادين

ترى الخطا والله منّا وفينا

من يوم صرنا بالفتافيت راضين

وسقف الأمل إللي عليه اعتلينا

اليوم نازل حيل... وامْغطي العين!

back to top