صدر العدد الأول بتاريخ 2 يونيو 2007

رئيس التحرير خالد هلال المطيري

العدد: 4275

رئيس التحرير خالد هلال المطيري

درايش : شرط السكين

  • 06-02-2019

تعلّي يا قمر ساطع نشوفچ نور شوف العين

ولو إن الحسن أحلى إذا يخفي وهَج معناه

أحب شكل "النقاب" اللي يقص خد القمر نصّين

غموض يشد والفطره تسائلني عن اللي أخفاه!

غرورچ عن ثقه مطلوب ويسمّى الغرور الزين

غرور الراكد الواعي ثقيل ومتّزن بخطاه

تراكم مهرجان التوت بالتفاح فوق التين

وتاهت إيد من يقطف بكل سَلّه يصيح: اللللله!

وترى بعض الحسن خافي يكون الشرط بالسكين

ولكنّ الحسن هذا حلاته واضحه بشفاه