درايش: ضيّعت دربي

نشر في 23-10-2017
آخر تحديث 23-10-2017 | 00:19
 وضّاح ضيّعت دربي... ضيَّع الله خطاويك

ومشيتني دربٍ عن الناس مايل

أخايل مزونٍ نشَت من محاريك

وادْعي عساها من صدوق المخايل

الله حسيبك ليش ولّعتني فيك

وخلّيتني أتبع سراب القوايل

ما دام تدري يا هوى الروح مغليك

وافي ولاني في الهوى يوم عايل

وشفيك تكتم صادق الحب... وشفيك

وفي عيوننا متبادلين الرسايل؟!

كلمه في قلبك... حايره بين عينيك

لانته بقايلها... ولاني بقايل!

back to top