درايش : الليل

نشر في 14-08-2017
آخر تحديث 14-08-2017 | 00:20
 وضّاح يضيق صدري لا انْعَقَد حاجب الليل

واليا بدا بمفارقي ضاق صدري

واقول تو الوقت يا خاين سهيل

غيّبت بدري ليش والوقت بدري

فرشت بدروب الرفاقا تساهيل

وللي نوى في عتمة الليل غدري

أروح كلّي لا اطلبوا شَدّة الحيل

وما همني منهو حفَر يوم حدري

سِدْرٍ بقلبي لَم كل المواويل

وما حاسِب أي عصفور لايذ ب سِدْري

حتى الذي ناوي مع الوقت تبديل

أدري... وخوفي ينحرج... قلت: ما دري!

back to top