صدر العدد الأول بتاريخ 2 يونيو 2007

رئيس التحرير خالد هلال المطيري

العدد: 3455

رئيس التحرير خالد هلال المطيري

درايش : فتنة داخل المركب

  • 17-04-2017

أخطر العلاّت في هذا الزمان

هجمة الفتنه على الجسم العليل

مركبٍ في الماي عايش في أمان

بس واحد بينهم شكله هبيل

قام يحفر بالخشب تحت المكان

الغبي ما لاحظ المركب... يميل!

دار كتويله و فسَّر واستعان

في هوى الشيطان ويحط ويشيل

راح يحذف من هله سبع وثمان

عذره: صاير هالحِمِل وزنه ثقيل

الغرق محتوم والله المستعان

چان كمّل هالخبل في الدق حيل

وين عقّال البلد فزعة زمان

اللي ما يرضون عن واحد يعيل

رايهم في الشور حكمه وإتزان

مثل نورٍ صار في الظلمه دليل

جمّعوا ما فرّقوا بين الاخوان

عمّروا ما هدّموا قصرٍ جميل